Молитвы перед и после чтения Евангелия

Молитва пред чтением Евангелия

Возсия́й в сердца́х на́ших, Человеколю́бче Го́споди, Твоего́ богове́дения нетле́нный свет, и мы́сленная на́ша отве́рзи о́чи во ева́нгельских Твои́х пропове́даний разуме́ние, вложи́ в нас и блаже́нных Твои́х за́поведей страх, да плотски́я по́хоти вся попра́вше, духо́вное жи́тельство про́йдем, вся я́же ко благоугожде́нию Твоему́ и му́дрствующе и де́юще. Ты бо еси́ просвеще́ние душ и теле́с на́ших, Христе́ Бо́же, и Тебе́ сла́ву возсыла́ем, со Безнача́льным Твои́м Отце́м и Всесвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в, ами́нь.

Молитва иная

Спаси, Господи, и помилуй раба (рабов) Твоего (Твоих) (имена) словами Божественнаго Евангелия, чтомыми о спасении раба (рабов) Твоего (Твоих). Попали, Господи, терние всех его (их) согрешений, и да вселится в него (них) благодать Твоя, опаляющая, очищающая, освящающая всего человека во имя Отца и Сына и Святаго Духа. Аминь.

Молитва по чтении Евангелия

Сла́ва Тебе́, Го́споди Царю́, Сы́не Бо́га жива́го, сподо́бивый мя недосто́йнаго Боже́ственная Твоя́ словеса́ и глас Свята́го Ева́нгелия Твоего́ слы́шати; сим у́бо влады́чним Твои́м гла́сом, укрепи́ мя́ в покая́нии настоя́щия сея́ жи́зни прейти́ нощь, от вся́каго избавля́я мя наве́та и зло́бы ви́димых и неви́димых враг: Ты бо еси́ еди́н си́льный, и ца́рствуяй во ве́ки. Ами́нь.

×