Молитва на насаждение виноградника

Господи Иисусе Христе, иже лозы сый истинная, и Отец Твой Делатель, Ты и Апостолы нарекл еси рождиями: Тако и ныне Владыко, прииди на лозу сию, и насади; даждь ей хранителя помощь Твою, огради входы и исходы ея, от града, снега, мраза, от грозный зимы, и ветров сожжения, видимых же и невидимых врагов. Призри и посети виноград сей, егоже насади десница Твоя, да воздаст во время плоды своя: и да сподобимся и мы Твоею благодатию обимати его, и принести Тебе от него, во еже претворитися в Кровь пречистаго Тела Твоего. Тебе бо подобает всякая слава, честь и поклонение, со Безначальным Твоим Отцем, и с Пресвятым, и Благим, и Животворящим Твоим Духом, ныне и присно и во веки веков. Аминь.